अंतस रो ऊजास दीकरी,
नैणा रो परकास दीकरी।
मिठडी मिठडी बाँता री,
झालर री झणकार दीकरी।।
आँगणियै रो फूल दीकरी,
पाँवा री रमझौल दीकरी।
कुंकुं पगल्या ले घर मे आवै,
छमछम करती अणमौल दीकरी।।
कुळ री व्है जोत दीकरी,
मनडै रो व्है मोद दीकरी।
लाजाळु ममत्व दयालु,
करूणा री व्है खांण दीकरी।।
देवलोका रो संसार दीकरी,
खुशियाँ अपरमपार दीकरी।
पगल्या धोय चरणामृत लेवुँ,
देवी रो व्है वरदान दीकरी।।
कोई टिप्पणी नहीं:
एक टिप्पणी भेजें