Translate

शनिवार, 11 जून 2016

करम खोडला बण्या सूल्डा,

.
करम खोडला बण्या सूल्डा, मनख निमटता हेरै।
बाड़े बाड़े टीबां टीबां देसी इबके फेरै।।
कोई निरखै मात पिता नै, कोई राम-रहीमा।
खोटी करणी गुरु जूण की, इस्या दिया है जिम्मा।।
दिन उगतां ही निरखे नागा, और नरक का कूण्डा।
फोटू खींचे लौट्या सागै, घणा लागसी भूण्डा।।
खूब करी रै रामजी, गुरुदेव के मांय।
घणा मान मनुवार दे सूअर दिया बणाय।।
निमटण लागी डावड़ी, फोटू लीनी त्यार।
जूती लीनी हाथ में पडी टाट पर मार।।
पडी टाट पर मार गुरूजी भागण लाग्या।
छाती फूली सांस पसीना टपकण लाग्या।।
वा वा रै सरकार, हुकुम से होग्या नरतण।
फोटू खींच्या गुरु, डावड़ी लागी निमटण।।

कोई टिप्पणी नहीं:

एक टिप्पणी भेजें

काळी- काळी उमड़ी कांठळ

काळी- काळी उमड़ी कांठळ            डॉ मदन सिंह राठौड़ काळी- काळी उमड़ी कांठळ, धवळा- धवळा अहो! धोरिया। गुडळा- गुडळा भुरज गहरावै, गैरा - गैर...

MEGA SALE!!! RUSH TO AMAZON