राखड़की पुनम रो माँ मिना वीरो याद आवे रे
माँ मिना बांन्धु याद आवे ।
ओ जामण जाया थाहरी अवलुडी़ घणी आवै
किकर हाला रे थाहरोडै़ देश मे।
सावणीयो आयो रै माहजै भादरवो रे आयो आई मांहजै सातुडा़ री तीज ।
ओ जामण जाया मिना अवलुडी़ घणी आवै ।
किकर हाला रे थांहरोडे़ देश मे ।
अलगोडी़ रे अलोगोडी़ मिना दुखडे़ मी परणाई
रे माहजा बान्धुडा़ थाहरी अवलुडी़ घणी आवै
किकर हाला रे थाहरोडै़ देश मे ।
भाभो जी रे कहजी म्हारा रुपिडा़ रा लोभी माँ मांहजी दमणा रा लोभी ।
ओ जामण जाया थाहरी अवलुडी़ घणी आवै ।
किकर हाला रे थांहरोडे़ देश मे ।
माता जी रे म्हारा कहीजै पडला रा भुखा ।
ओ जामण जाया मिना थांहरी अवलुडी़ घणी आवै
किकर हाला रे थाहरोडै़ देश मे ।
सावणीये री तीजा रो माँ मिना वीरे ना मिलवा मेले मांहजै बान्धु ना मिलवा मेलै ।
ओ जामण जाया मिना अवलुडी़ घणी आवै ।
किकर हाला रे थांहरोडै़ देश मे ।
भितड़ली चडे़ हु तो बरढे ऊतरा माँ बरढै ऊतरा
ओ जामण जाया थाहरी अवलुडी़ घणी आवै ।
किकर हाला रे थाहरोडे़ देश मे ।
वीरो सा तो म्हारा भाभसडी़ रे सारे रे माताडी़ तुंह मिना काकलिए ना आणेईयै रा मेल ।
ओ जामण जाया मिना अवलुडी़ घणी आवै ।
किकर हाला रे थांहरोडे़ देश मे ।
काको जी रे म्हारे काकी जी रे सारे माहजा बांधुडा़ मिना आणीऐ रा आवौ ।
ओ जामण जाया मिना थांहरी अवलुडी़ घणी आवै
किकर हाल रे थांहरोडे़ देश मे ।
भाभो सा रे म्हारा बुढा रे कहिजै ओ जामण जाया थाहरी अवलुडी़ घणी आवै
रे माया रा लोभी मिना थाहरी अवलुडी़ घणी आवै ।
किकर हाला रे थांहरोडै़ देश मे ।
आंगणीओ अडोलो माँ मिना वाखल विंरगी लागै रे माँ मिना वाखल विंरगी लागे ।
म्हारा माहुडी़ रा जाया मिना हेकरको पिहरीओ बताऐ
ओ जामण जाया मिना थाहरी अवलुडी़ घणी आवै ।
किकर हाला रे थाहरोडै़ हे देश ।।।
