गण तो फायो-फीटो फिरर्यो!
नायक बैठो मौजां करर्यो!!
गणनायक नैं कीकर जाणां?
ध्यान नहीं गण कानी धरर्यो!!
कण-कण नैं जण -जण ऐ रींकै!
ओ तो लाट तिजुर्यां भरर्यो!!
दीन-दुखी कितरो ई सेवो!
मेहर इणी कज मोटां सरर्यो!!
गणतंत्र कैवण रो भाई!
गण तो गोण बापड़ो डरर्यो!!
माणै माल मसकरा चौड़ै
हाड गाल़तो गण ओ मरर्यो!!
बाई फसलां बलदां पच-पच!
पुल़छां देख गधेड़ो चरर्यो!!
गण रो पग कुंडाल़ै आयो!
नायक झाड़ा मंत्र करर्यो!!
भेद गरीबी छीना झपटी!
फूट फैंटोड़ो सगल़ै पसर्यो!!
लोकराज रो नायक लांठो!
गिरै-गोचर रो सह कीं जरर्यो!!
गिरधरदान रतनू दासोड़ी
सूर्यनगरी या ब्लू सिटी, जोधपुर की साहित्यिक विरासत की मोहक यात्रा में आपका स्वागत है! यह रोमांचक ब्लॉग मारवाड़ी साहित्य, लोक कथाएँ, कविताएँ और लोक रीति-रिवाज़ों को जानने का अवसर प्रदान करता है.
सोमवार, 5 सितंबर 2016
गण तो फायो
सदस्यता लें
टिप्पणियाँ भेजें (Atom)
HISTORY OF JODHPUR : मारवाड़ का संक्षिप्त इतिहास
Introduction- The history of Jodhpur, a city in the Indian state of Rajasthan, is rich and vibrant, spanning several centuries. From its o...
कोई टिप्पणी नहीं:
एक टिप्पणी भेजें