हर काम उन्दो वेईरो
पेली माँ बाप आँख्या काढ़ता,
अबे छोरा छोरी आँख्या काडिरा ।
पेली मास्टर स्कूला में दरपावता,
अबे छोरा वणाने दरपाईरा ।
पेली ईमानदारा री चालती,
अबे बेईमाना री चालिरी ।
पेली छोर्या पूरा गाबा पेरती,
अबे ओगड़ बाबा वणीन फरिरी ।
पेली भणाई बोझ ढोवती,
अबे छोरा भणाई रो बोझ ढोईरा ।
पेली नोर्मल डिलेवरी वेवती,
अबे पेट फाड़िन काड़िरा ।
पेली टाबरा ने हाथ पकड़िन चलावता,
अबे बुजुर्ग खुद गडोळ्या चालिरा ।
पेली लोग अन्न खावता,
अबे अन्न वणाने खाईरो ।
पेली लुगाया पाछे चालती,
अबे सबऊ आगे चालिरी ।
पेली लगाया मुन्डो ढाकती,
अबे मनक मुन्डो ढाकिरा ।
पेली राजन सरस्वती आगे चालती,
अबे लछमी आगे चालिरी ।
पेली भगत भगवान ने होदता,
अबे भगवान भगत ने होदिरा ।
पेली हर काम हुदो वेवतो,
अबे हर काम उन्दो वेईरो
हर काम उन्दो वेईरो
कोई टिप्पणी नहीं:
एक टिप्पणी भेजें